Lehen Hezkuntza 1go zikloa

2020(e)ko apirilaren 10(a)

Ni etxean geratzen naiz!

Kaixo guztioi! Egun hauek nahiko bitxiak izaten ari dira. Hala ere, gure ikasle maiteak beti daude guri irribarre bat ateratzeko prest eta gure itxaropena garatzen. Espero dugu laster berriro eskolan elkar ikustea. Zuen hutsunea somatzen dugu. Apartak zarete benetan.

Eskerrik asko, bihotz bihotzez!

2020(e)ko otsailaren 23(a)

"Cuéntamelo con música" ipuinkontalaria

Joan den ostegunean, otsailak 13, eta aurreko urteetan bezala, munduko ipuinkontalaririk apartena etorri zitzaigun berriro ere eskolara. Haur Hezkuntzako eta Lehen Hezkuntzako 1go eta 2. mailako ikasleak bildu ginen haur hezkuntzako saloian.

Istorio apartak, pertsonai itzelak, esperimentu harrigarriak... ikusteko aukera izan genuen.
ESKERRIK ASKO !!! Datorren urteko saioaren zain gaude jadanik!

2020(e)ko otsailaren 16(a)

Bidea BAKEA da

Bakearen Astea ospatzeko, LH1 eta LH2 mailako ikasleek irudi ederrak eta mural bikainak egin genituen. Gure geltokien izenak:

Bidea BAKEA da!

Eskuak gora! Hau BESARKADA bat da!

2020(e)ko otsailaren 11(a)

Agate Deuna

Kaixo! Joan den astean, Agate Deuna zela eta, LH1 eta LH2 geletako ikasleak Leioatik ibili ginen abesten. Zoritxarrez, ez zuen eguraldi ona egin eta euritakoekin irten behar izan ginen.

Baina, zalantzarik gabe, momenturik onena eta politena Leioako Eguneko Zentrora joan ginela izan zen. Bertan, hiru gizaldien bihotzeko topaketa izan genuen. Mila esker zentroko lankidei, guztiz maitagarriak izan bait ziren.

2020(e)ko urtarrilaren 25(a)

Hortzak zaintzen

Urtarrilaren 23an, Zamalloako haginlaria etorri zen hortzak zaintzea zein garrantzitsua den erakustera. Gainera, Monster eta Dragon ezagutu genituen! Zer dibertigarriak! Ingelesez hitz egiten dute, baina ondo ulertu genituen beraiek emandako aholkuak.

Gogoratu! Hortzak ondo garbitu behar ditugu!

2020(e)ko urtarrilaren 21(a)

Animaliak lantzen

Kaixo guztioi! Lehen mailako ikasleek "Animaliak lantzen" proiektua garatu dugu. Animaliak maite ditugu eta gure planetako fauna zeharo garrantzitsua da guztiontzat.

Animaliak zaindu behar ditugu!

2019(e)ko abenduaren 12(a)

Abendualdiko egutegia

Gabonak hurbil daude eta horregatik Abendualdiko egutegia egin dugu LH2 mailako ikasleok, opariak eta guzti! Ea zer suertatzen zaigun!

Gabon zoriontsuak eta urte berri on guztioi!!!

2019(e)ko abenduaren 1(a)

Azaroak 25

Azaroaren 25ean, Emakumeen Kontrako Indarkeriaren Aurkako Nazioarteko Eguna dela eta, LH1 eta LH2 mailako ikasleek "Yo voy conmigo" ipuina landu genuen. Tipo apartak nahi ditugu!

LH1-eko ikasleek ipuinkontalari batekin gaia landu zuten ere Kultur Leioan. Zer dibertigarria!!!

2019(e)ko urriaren 12(a)

Ortura goaz!

Kaixo! LH2-ko ikasleak Jonekin ortura joan gara barazkiak landatzera. Gero, astean behin joango gara ortua ureztatzeko eta zaintzeko. Amaieran, landatukoa batuko dugu. Hiru hilabete hauetan A taldekoak joango gara eta datorren hiruhilekoan B taldekoen txanda izango da. Ea zenbat hazten diren gure barazkiak!

2019(e)ko irailaren 25(a)

Mugikortasunaren Europako Astea 2019

Kaixo guztioi! Joan den astea Mugikortasunaren Europako Astea izan zen. Hori ospatzeko, LH-1 eta LH-2 mailako ikasleak Leioan dauden trafikozko seinaleak ikustera atera ginen. Buff, ez genekien hainbeste zeudenik!

LH-1

LH-2

2019(e)ko irailaren 15(a)

Ikasturte berria hasi dugu

2019-2020 ikasturtea

2019(e)ko ekainaren 16(a)

Artzeniegako txangoa

Ekainaren 10ean Lehen Hezkuntzako 1go eta 2. mailako ikasleak Artzeniegara joan ginen eguna pasatzera. Museoa ikusi genuen eta jolasten igaro genuen gainerako denbora. Ez zuen oso eguraldi ona egin, baina lagunekin geunden eta eguraldiak ez zuen axola!!

📸 ARGAZKIAK >> nsm.leioa.mercedariasdelacaridad.es/galerias/excursion-artzeniaga-ep12

2019(e)ko maiatzaren 26(a)

"Mesedetako haziak" proiektua

Dakizuenez, aurten, "Mesedetako haziak" proiektuarekin bildutako diru-laguntza Brasilgo Matto Grosson dagoen eskolako umeak laguntzeko izango da. Lehen Hezkuntzako 3. mailako ikasleak 1go eta 2. mailako ikasleekin izan ziren, proiektua azaltzeko eta Brasilgo informazioa zabaltzeko. Elkarri laguntzen eta ikasten!

2019(e)ko maiatzaren 11(a)

Musika Eskola

Kaixo! Maiatzaren 6an LH1 eta LH2 mailako ikasleak musika eskolara joan ginen Andantina (Tina lagunentzat) Tantaren istorioa entzutera. Asko abestu genuen! Eta zer instrumentu handiak!

2019(e)ko maiatzaren 2(a)

Printze Txikia LH2

Lehen Hezkuntzako bigarren mailako gelak (LH2) Printze Txikiaren seigarren planeta izan ziren, hots, Geografoaren planeta. Bideo honetan, ikasleak lan ta lan ikus daitezke proiektua lantzen.